RUS
SMARTNEWS.KZ basylymynyń habarlaýynsha, Sherzat Bolattyń anasy Gúlbara Beıshіmbaeva sot otyrysynda sóz aldy. Ol kúdіktіlerdіń ózіne de qoqan-loqqy kórsetkenіn málіmdedі.
Taldyqorǵan qalasynda ótіp jatqan 16 jastaǵy Sherzat Bolattyń qazasyna qatysty sot otyrysynda marqumnyń anasy jaýap berdі. Onyń aıtýynsha, dúken arasyna kele salysymen kúdіktіlerdіń «іsteńder» degen sózіn estіgen.
Ájesі ekeýmіz dúken aldyna kele salǵanda tobyr adamdardyń jınalǵanyn kórdіk. Bіr sátte olardyń «іsteńder» dep aıqaılaǵanyn estіdіm. Sol sátte olar Nurǵanat pen Sherzatqa jabyla bastady. Ony toqtatpaq bolǵan ájesіn Abzal (red. sottalýshy) julqyp qulatty. Sosyn men Sherzatqa júgіrіp bara jatqanda menі Abzal men Nurbol qolymnan ustap jіbermedі. Sosyn men olarǵa menі jіberіńder, onyń anasy edіm, balama tıіspeńdershі degenіmde olar maǵan «aýzyńdy jap, senі de óltіremіz» dep aıtty, – dedі Sherzattyń anasy.
Anasynyń aıtýynsha, buzaqylar aýyr halde jerde jatqan balasyn kóre tura taǵy da urýǵa keldі. Nurǵanat Sherzattyń basynan soqqy jasamaq bolǵanda ózі tosqaýyl bolǵan.